Literatura Unibertsala bildumako ale berria aurkeztuko dute irailaren 28an

0

Erein eta Igela argitaletxeek irailaren 28rako iragarri dute Literatura Unibertsala bildumako 185. alearen aurkezpena: Edith Wharton-en ‘Ethan Frome’ eleberria, Miren Arratibelek eta Aintzane Atelak euskarara ekarria. Itzultzaileekin batera aurkezpen ekitaldia izango dira Joxean Muñoz Eusko Jaurlaritzako Kultura sailburuordea, Manu Lopez Gaseni EIZIEren lehendakaria eta Inazio Mujika Erein eta Igela argitaletxeetako ordezkaria.

Ethan Frome
Landa eremuko herrixka batean gertatzen da istorioa, idazleak asmatutako Starkfield herrian, hain zuzen ere (Massachusetts). Maitasun istorio ezinezko bat kontatzen du, Ethan Frome gaztearen eta hura baino zenbait urte zaharragoa den Zeena gaixobera eta mesfidatiaren arteko ezkon bizitza ilauna abiapuntu hartuta. Senar-emazteek ez dute seme-alabarik eta Mattie Silver, Zeenaren lehengusina gaztea, etxean hartzen dute neskame, umezurtza baita.
Hemen kontatzen den triangelua, beste norbaiten eskutan, erraz izan zitekeen melodrama bat edo maitasun istorio eskas bat. Whartonek, aldiz, balio literario handiko obra osatu zuen: atmosfera iradokitzaileak eta gozoak sortzen ditu hizkuntza zehatza eta zenbaitetan poesiatik hurbilekoa baliatuz, eta pertsonaiak, itxuraz soilak badira ere, nortasun handiz hornitzen ditu, introspekzio psikologiko nabarmenaz.

Subscribe
Notify of
guest
0 Iruzkin
Inline Feedbacks
View all comments