Pamiela argitaletxeak maiatzaren 25erako iragarri du Luigi Anselmiren Larrazkeneko argi-ilunetan poesia-liburuaren aurkezpena: Donostiako udal liburutegian izango da goizeko 11:30ean, eta Bilboko idazleak Jose Angel Irigaray editorea izango du bidelagun.
Larrazkeneko argi-ilunetan
Poesia sorta berriarekin etorri da hiri handiko poeta, natura eta urtaroetara jo du berriz ere, bizitzaren eta egunerokoaren isla gisa. Argia eta ilunarekin jostetan dabil, heriotza eta bizitzarekin, alegera eta goibeltasunarekin bezala, horretarako inguruaren edertasuna eta urtaroak erabiliz. Egunerokoari zeharkako begirada batekin so egiten dio idazleak, eta naturaren irudi guziak berritzen dizkio gure soari.
Liburu honek egunerokoaren saskian bertze irrimurritz bat sortuko dizu, irakurle, eta hori badaezpadako azti batek ere asmatuko luke.
