Ernesto Prat Urzainkik hilaren bukaeran aurkeztuko du bere lan berria

0

Elkar argitaletxeak urtarrilaren 31rako iragarri du Ernesto Prat Urzainkiren lan berriaren aurkezpena: Mendeku eskubidea titulupean kaleratu du Berriozarko idazleak bere nobela berria, eta Xabier Mendiguren editorea lagun duela aurkeztuko du hilaren 31n Donostiako Fermin Kalbeton kaleko Elkarren.

Mendeku eskubidea
Larru, neska punk toxikomano ohia, Baztango udalaren enplegu babestuko brigadan dabil, zenbait ijito eta marokoarrekin batean, bide ertzeko sasiak garbitzen eta seinaleak pintatzen; alde batera utziak ditu lehengo ohiturak eta makurdurak, baina ikusten dituen injustizien aurrean bor-bor sentitzen du barruan mendekurako gogoa.
Ernesto, enplegu babestuko arduraduna eta idazlearen alter egoa, liburu berri bat idazteko gai bila dabil, autofikziotik ihesi, baina aldi berean bere iraganaren mamuekin borroka egin beharko du.
Abdel saltzaile ibiltari dabil herriz herri, eta Guardia Zibileko Muturmotz sarjentuak xantaia egingo dio bere salataria izan dadin, kalerik kale entzun eta ikusten dituenak konta diezazkion.
Egun eta hemen, nobela beltz bat, bere osagai guztiekin: misterioa, krimena, kritika soziala… eta baita umore printza batzuk ere.

Subscribe
Notify of
guest

0 Iruzkin
Inline Feedbacks
View all comments