Lina Plastilina. Sorginkeriak titulupean eman du argitara Elkar argitaletxeak Izaro Arroitak idatzi eta Joseba Larratxek ilustratutako Lina Plastilinaren bildumako ale berria. Aurreko alea, Lina Plastilina. Istripu handia, iazko udazkenean aurkeztu zuten.
Lina Plastilina. Sorginkeriak
Eskolako laborategian gertatutako istripu handi baten ondorioz, Kati plastilinazko bihurtu da. Edozein forma har dezake, eta nahieran kendu eta jar ditzake bere gorputzeko zatitxoak. Eta hara! Botere horiei esker, jauzi batez sartu da esku artean daukazun liburu honexetan.
