Izenburua: Zauri ezkutuak
Idazlea: Fernando Morillo
Argitaletxea: Gaumin
Urtea: 2015
Iria gazteak asko daki lagunen eskola-jazarpenaz. Ona da sentimenduak irakurtzen, baina bere zoritxarrerako, samina eta krudelkeria baino ez du ikusten azkenaldian institutuan. Horregatik saiatzen da oharkabean pasatzen, bereziki Nora eta Martxel anai-arreben aurrean, ikastetxeko benetako jaun eta jabeak, eta ikasle bakoitzari mingarrien nola jo jakiten maisuak. Unax izeneko ikasle berria iristean dena areagotuko da. Mutil markatua da Unax, zentzu bitan: orban ikusgarri batek zeharkatzen dio aurpegia, eta argi dago bere baitan beste dramaren bat ere ezkutatzen duela. Nora eta Martxel inoiz baino bortitzago arituko dira iritsi berriaren aurka, beraien tronua garbi uzteko asmoz. Bitartean, bi irakasleren arteko liskar latz batek are gehiago ozpintzen du giroa. Apurka, inork espero ez duen moduan lehertuko da guztia, gauza asko ez dira izango ziruditena, eta Iriak itzal baten modura ibiltzeari utzi beharko dio, zurrunbilo lazgarrian parte zuzena hartzeko eta korapiloa askatzen laguntzeko.
