Izenburua: Malgu da gaua
Idazlea: Harkaitz Cano
Musika: Arkaitz Mendoza
Argitaletxea: Etxepare Institutua
Urtea: 2014
Arkaitz Mendoza piano-jotzaileak jarri dio gaia idazleari: ChopinenNokturnoak entzun eta, Rorschachen orbanak interpretatzean nola, joka dezala halaxe, pianoaren doinuak hitzetara ekarriz. Sena hutsak, arrazoi hutsak bezala, deus balio ez duenez, bien nahasketari heldu dio Harkaitz Canok gauaren malgua, patxada eta amildegia ikertzeko. Entzun eta irakurri, nahastu nahieran sena eta arrazoia, Marcel Proustek ongi esan bezala, milioika baitira oraindik samurtasunaren eta pasioaren baitan ezagutzeke dauzkagun teklak. (Arkaitz Mendozaren cd-a du barruan).