Bizien gaubeilan

1

Izenburua: Bizien gaubeilan
Idazlea: Jesus Mari Olaizola ‘Txiliku’
Argitaletxea: Elkar
Urtea: 2011

Ez dakit oso ondo noiz izan zen, baina kontuak aterata hirurogeita hamaikan edo hamabian izan behar zuen. Bidaia luze bat egin ondoren, goizeko ordu txikietan ailegatu nintzen herrira, eta, ohiko nuen bezala, gure auzo zaharrean aurkitu nuen autoa uzteko lekua. Garai haietan eta auzo hartan ez zen zaila izaten.
Oinez etxerantz nindoala, jaiotetxe aurretik pasatu nintzenean, uste baino beranduago zela konturatu nintzen, eta uste baino nekatuago nengoela ere bai. Eguneko neke guztiak batera pilatu zitzaizkidan.
Ohea amets nuela, eta goizaldeko isiltasuna lagun, sinetsi ezinezko ikuskizuna gertatu zitzaidan bidean.
Galeper koxkortu bat ari zen errepidea gurutzatzen, atzetik dozena erdi bat galeper kume zituela. Ez zuten soinurik egiten, ez berezko “poxpolin, poxpolin” kanturik abesten, ezta beldurrezko txio txikienik ere ateratzen. Isiltasun osoan, errenkada hautsi gabe, marra zuzenean bidea gurutzatu eta bide alboko ate zahar baten barren urratutik sartu ziren paretaz harantzagoko baratze batera.

Subscribe
Notify of
guest
1 Iruzkin
Newest
Oldest Most Voted
Inline Feedbacks
View all comments
Bilbo 54.3

Hogeita hiru ipuin dakartza Txilikuren azken liburuak eta gehienak oso interesgarri iruditu zaizkidala esan behar dut . Idazkera erraza eta bizia da eta horrek asko laguntzen dio liburuaren mamiari. Gustora irakurri ditut ipuinak eta, batzutan, baita gozatu ere. Beraz, oso gomendagarria liburu hau, Txilikuren liburu gehienak bezala.