Izengoititegia

1

Izenburua: Izengoititegia. Izarbe eta Mañeru ibarretako euskal izengoitiak
Idazlea: Koldo Colomo
Argitaletxea: Pamiela
Urtea: 2021

Ondare onomastikoa izateaz gain, Izarbe eta Mañeru ibarretako euskal izengoitiak euskaraz gozatzeko sormen iturri aparta dira. Izan ere, euskarazko erregistro informalen eskasia edo gabezia ez da gaitz arina egungo euskararen komunitatearendako.
Lagunarteko euskaraz erosotasunez eta modu adierazkorrean aritzeko, baliabide lexikoak eta linguistikoak eskaintzen ditu lan honek, guztiak euskal senetik jasoak. Dudarik gabe, sortze bidea anitzez gozoago izanen da umorea bidelagun hartuta.

Subscribe
Notify of
guest
1 Iruzkin
Newest
Oldest Most Voted
Inline Feedbacks
View all comments
Donostia 47.3

Bernardo Atxaga, Bilintx, Lizardi… Izengoitiak dira, ez dira benetako izenak, eta ez dira liburu honetakoak ere. Bai, ordea, beste hauek: Arlote, Eskas, Txarren… Azken hauek ikusita agian arrazoi du Kike Amonarrizek, alegia izengoitia jartzen duenak mendean hartu nahi izaten duela izendatua; (Berria, 2021.11.27). 

Beti ez da gaiztoz jarria izango, zeren batzuek, adibidez, lanbidea aipatzen dute: Albaitar, Fiskala, Kalonje… Edo janzkera: Txamar, Zapel… Edo animaliak: Txinurri, Kukua, Birigarro…

Guztira 425 izengoiti jaso ditu egileak. 10etik 9 Izarbe ibarkoak dira eta 10etik 1 Maiñeru ibarkoak. Nafarrak denak. 

Izengoitiok era askotara sailkatu ditu Koldo Colomok. Arlo semantikoa aintzat hartuta, arlo formala, zein herritan bildua izan den… Aintzinsolasa Kike Amonarrizek egina: “Nork esan lezake liburu honen berri izan ondoren: “Aquí no se ha hablado nunca en vascuence?”. Besterik ere badio tolosarrak. Alegia, ezizen hauetako asko gaur egun erabiltzeko moduan daudela, ez direla hitz hilak. 

Baina liburuan aitortzen da garai batean baino izengoiti gutxiago jartzen direla. Agian horregatik izengoiti berriak sortzeko gonbita egiten zaio irakurleari. Niri gonbita egiteko era egin zait deigarri: “Izengoitien zerrenda eta osatzeko moduak behin ezaguturik, zer bertze izen eta izenondo umoretsu sortzen ahal ditut lagun artean erabiltzeko?”. Umorea aldarri. 

Beraz, nik ere umoretik joko dut. Bada jendea, beretzat gutxiegi iritzita, bazter uzten duena balizko bikotekidea. Nire ezagun batek baztertzaile horiei “Nahinukeko markesak” esaten die. Balio ote du Izengoititegirako? Agian ez?