Izenburua: Manttalingo alaba
Idazlea: Mikel Etxaburu
Argitaletxea: Pamiela
Urtea: 2024
Hiztegirik eta gramatikarik gabe idatziko ditut poemak,
atea erdi zabalik utziko dut sartu edo irten lasai egin dezazun
eta geratzea erabakitzen baduzu
kontatuko dizut zer ekarri zuen mareagorak
eta gure zein zati eraman zuen marea beheak
irakurriko dituzun hitzak biluzik daude
agian, zuk jantziko dituzu
eta entzun nahi baduzu
kontatuko dizut orain arte isildutakoa
zatoz
paretari begira egon naiz-eta luzaroan
konturatu gabe
leihoaren atzean gordetzen zinela.
