Izenburua: Nola gorde errautsa kolkoan
Idazlea: Miren Agur Meabe
Argitaletxea: Susa
Urtea: 2020
Bizitzaren joanean, kolkoa zera bihurtu zaigu, iraganaren errautsak gordetzeko urna moduko bat. Baina ez da erraza errautsa aldean erabiltzea begietan azkurarik igarri, azala zikindu edota eztulik egin gabe. Izenburu alegoriko bezain ironikoa dauka Miren Agur Meaberen poema liburu berriak, zeinetan azken hamarkadan hainbat gairen inguruan idatzitako poemak biltzen dituen: nortasuna eta memoria, genealogia femeninoak, bidea locus ideal gisa, desamodioa, dolua, indarkeriazko ekintzetan dugun ardura, poesiaren gaineko gogoeta.
