Izenburua: Tximeletak eta gozokiak
Idazlea: Nahikari Gabilondo
Ilustratzailea: Maitane Bautista
Argitaletxea: Ibaizabal
Urtea: 2022
Gomendatutako adina: 8 urtetik aurrera
Kimu hipopotamo txikia beti ibiltzen zen tximeleten atzetik saltoka, eta lagunek uretara jolastera gonbidatzen zutenean, Kimuk beti ezetz. Tximeletak gero eta ugariagoak izan arren, Kimu pozik beharrean triste zegoen, izan ere igeri egiten ikasi nahi zuen, bere lagunek eta familiak bezala. Kimuk nahiko triste egoten jarraituko du, sekretu txiki bat deskubritzen duen arte… Hipopotamoek ez omen dakite igeri egiten! Mattin da bigarren istorioko protagonista. Mattinek jertse magiko bat du, zorte ona ematen diona, bai barraskilo lasterketetan, baita hainbat eta hainbat egoeratan ere. Xabatek ordea ez du Mattinen jertseak duen kolorea gustuko eta beti bera zirikatzen ibiltzen da: “kolore arrosa neskentzako da, beraz ezin duzu gurekin futbolean aritu”. Azkenean Mattinek egoerari buelta ematea lortuko du, izan ere Xabat mutil eta nesken arteko ezberdintasunetan zentratzen den bitartean, Mattinek gauza oso garrantzitsu bat ikasiko du: neska edo mutil, denok gara berdinak eta gustuko ditugun koloreak aukeratzeko aske.
