Izenburua: Argia, lurra, zuhaitza, zerua
Idazlea: Jon Gerediaga
Argitaletxea: Pamiela
Urtea: 2015
Itsasoari begiratzen diot
haren gainazaleko argiei
begiratzen diet kostaldeko basoei
begiratzen diet haizearen
seinaleei adaburuetan
zeruari begiratzen diot.
Niri begira daude denak.
Ez dago eztabaidatzerik
den guztia nire zain dago.
Atseden hartzen du
nire gau eta egunen aparrak
etorkizun ziur horretan
maiteminak juramentuetan bezala
eta lasai noa, eta konforme
eta ahalik eta geldoen gauza
eta izaki eta leku guztietarantza.
